وجع العمر
بقلم صفيه نصار
أنا إللي شريت المر من صغري
وشلت الهم لما انكسر ضهري
ومن كتر الظلم ضاع العمر ومر
وشبابي شاب قبل الأوان بدري
آه والف آه منك ياوجع العمر
ملقتش حد يقف معايا في شدتي
وراحت ابتسامة روحي وضحكتي
حتي الصحاب اتخلوا عني
ولاحد منهم شايف دمعتي
ولاحالي إللي مبقاش يسر
آه والف آه منك ياوجع العمر
محدش فيهم مدلي إيد
لامن قريب ولامن بعيد
هيه الناس بقت كده ليه
قلوبها من حجر ومن حديد
وايام مورينا النجوم في عز الضهر
واه وألف آه منك يا وجع العمر
بعتب عليك يازمن دايما معاندنا
ومبكينا حتي في يوم عيدنا
الفقر والمرض زلنا وهدنا والفرح ناسينا وتملي يخلف مواعدنا
واه وألف اه منك يا وجع العمر